Surə haqqında
Ad-Duhaa surəsi Quranın 93-ci surəsidir. Adının tərcümə mənası: “Səhər”.
وَٱلضُّحَىٰ
Wadduha
And olsun səhərə;
وَٱلَّيْلِ إِذَا سَجَىٰ
Wallayli itha saja
And olsun sakitləşməkdə olan (və ya: getdikcə zülməti artan) gecəyə ki,
مَا وَدَّعَكَ رَبُّكَ وَمَا قَلَىٰ
Ma waddaAAaka rabbuka wama qala
(Sənə bir neçə gün vəhy nazil etməməklə) Rəbbin səni (ya Peyğəmbər!) nə tərk etdi, nə də sənə acığı tutdu.
وَلَلْـَٔاخِرَةُ خَيْرٌ لَّكَ مِنَ ٱلْأُولَىٰ
Walal-akhiratu khayrun laka minaal-oola
Şübhəsiz ki, axirət sənin üçün dünyadan daha xeyirlidir!
وَلَسَوْفَ يُعْطِيكَ رَبُّكَ فَتَرْضَىٰٓ
Walasawfa yuAAteeka rabbuka fatarda
Həqiqətən, Rəbbin sənə (qiyamət günü ən uca şəfaət məqamı, Cənnətdə tükənməz ne’mətlər) bəxş edəcək və sən (Ondan) razı qalacaqsan!
أَلَمْ يَجِدْكَ يَتِيمًا فَـَٔاوَىٰ
Alam yajidka yateeman faawa
Məgər O səni yetim ikən tapıb sığınacaq vermədimi?!
وَوَجَدَكَ ضَآلًّا فَهَدَىٰ
Wawajadaka dallan fahada
Sənin şaşqın (yaxud: uşaq vaxtı Məkkə vadisində azmış) vəziyyətdə tapıb yol göstərmədimi?!
وَوَجَدَكَ عَآئِلًا فَأَغْنَىٰ
Wawajadaka AAa-ilan faaghna
Səni yoxsul ikən tapıb dövlətli etmədimi?!
فَأَمَّا ٱلْيَتِيمَ فَلَا تَقْهَرْ
Faamma alyateema fala taqhar
Elə isə yetimə zülm etmə!
وَأَمَّا ٱلسَّآئِلَ فَلَا تَنْهَرْ
Waamma assa-ila falatanhar
Dilənçini də (qapıdan) qovma!
وَأَمَّا بِنِعْمَةِ رَبِّكَ فَحَدِّثْ
Waamma biniAAmati rabbika fahaddith
Və (həmişə) Rəbbinin sənə olan ne’mətindən söhbət aç!